Lavurs
Els exequeschan suandantas lavurs:
Preparaziun
- fabritgar utensils simpels ed equipament per montar il mecanissem da l'ura e tocca giavischada
- resguardar las prescripziuns da la protecziun da la sanadad e da l'ambient, sco er la segirezza da lavur
Montar uras
- metter ensemen uras mecanicas, automaticas e simplas uras electronica, sco er montar e demontar cronografs
- reglar las uras per ch'ellas giajan exactamain
- exequir lavurs per cumplettar ed entular las uras
Reparar e mantegnair uras
- exequir lavurs da reparatura vid il mecanissem ed l'equipament (Habillage) da l'ura
- demontar l’ura e tschertgar la funtauna per il sbagl
- far tests e mesiraziun (per exempel l'exactadad da l'ura) en il labor
- garantir il servetsch per la clientella: da l'offerta al quint
- examinar e controllar
Tut tenor direcziun far lavurs da reparatura vid uras da bratsch u vid uras cun perpendicul e fabritgar tocca singula ch'i dovra (direcziun: rhabillage) per quai u optimar ils process industrials (direcziun: metodas industrialas).
Scolaziun
Basa legala
Ordinaziun federala 19-12-2014 (versiun dal 1-1-2022)
Durada
4 onns
Accents
- rhabillage
- metodas industrialas
Furmaziun en la pratica
En in manaschi da l’industria d’uras, en ina fatschenta spezialisada d’uras u a la scola professiunala ZeitZentrum a Grenchen (en connex cun la scolaziun a temp cumplain)
Furmaziun en scola
1½ dis per emna a la scola professiunala ZeitZentrum
Cuntegns
- fabritgar apparats specifics ed equipament per la branscha, applitgar las directivas areguard la segirezza da la lavur, la protecziun da la sanadad e da l’ambient
- metter ensemen tocs singuls
- drizzar e regular da precisiun
- reparar e mantegnair
- manar tras analisas
Curs ordaifer il manaschi
Emprender ed exercitar a moda pratica la basa professiunala
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "urer / urera AFQ"
Premissas
Furmaziun preliminara
- temp da scola obligatoric terminà
- bunas prestaziuns en matematica e fisica
Pretensiuns
- abilitad da s’imaginar chaussas en il spazi
- inschign manual
- pensar logic
- bun dun da percepziun
- enclegientscha tecnica
- pazienza e perseveranza
- abilitad da sa concentrar
- senn per urden e nettezza
- vesida normala (era vesida curregida)
Furmaziun supplementara
Curs
purschidas da la federaziun dals patruns da l’industria d’uras svizra e da scolas spezialisadas da la branscha d’uras
Examen professiunal superiur (EPS)
maistra urera
Actualmain na vegnan manads tras nagins examens.
Scola spezialisada superiura (SSS)
p.ex. tecnicist dipl. SSS microtecnica (cun differentas approfundaziuns), tecnicista dipl. SSS construcziun da maschinas, approfundaziun tecnica da producziun
Scola auta spezialisada (SAS)
p.ex. Bachelor of Science (SAS) en microtecnica, Bachelor of Arts (SAS) en design da product ed industria. Tut tenor scol'auta specialisada valan differentas cundiziuns admissiun.
Cundiziuns da lavur
Urers ed ureras èn spezialists cun abilitads multifaras ed experts tschertgads. Els lavuran tant en l’industria d’uras ed en fatschentas spezialisadas d’uras, sco er en manaschis da la microtecnica u en in’autra branscha da precisiun. Els lavuran en manaschis pitschens, mesauns e gronds che produceschan u vendan palettas da products differentamain multifaras. Urers chattan ina plazza da lavur en il servetsch da clientella, en la vendita, en labors u en ils differents process da producziun.
La tschertga da plazzas d’emprendissadi sa restrenscha principalmain sin l’industria d’uras en la regiun da l’artg dal Giura tranter Genevra e Schaffusa.
Ulteriuras infurmaziuns
ZeitZentrum Uhrmacherschule Grenchen
2540 Grenchen
Tel: +41 32 654 27 00
URL: www.bbzsogr.so.ch
Arbeitgeberverband der schweiz. Uhrenindustrie
2301 La Chaux-de-Fonds
Tel: +41 32 910 03 83
URL: www.berufe-uhrentechnik.ch
Verband Schweizer Goldschmiede und Uhrenfachgeschäfte VSGU
6210 Sursee
Tel: +41 41 926 07 92
URL: vsgu-ashb.ch