Lavurs
Lur lavurs èn las suandantas:
Preparar materias primas
- determinar las materias primas e prender emprovas per il process da producziun, per exempel tscherner cun grond quità las buts cun ils differents products
- transportar ils products cun agid da differents sistems da transport ed als magasinar correctamain
- retrair las materias primas or dals recipients ed or dals vaschs e preparar tenor las instrucziuns
- installar ils plazs da lavur, ils instruments ed ils apparats per il process da producziun
- preparar ed installar tenor las prescripziuns da segirezza sistems da stgaudar e da sfradentar sco er sistems idraulics ed electrics per il process da producziun
- dismetter u reciclar tenor instrucziun il material restant ed ils ruments
Realisar process da producziun
- inserir las materias primas en ils apparats ed en las installaziuns ed observar ils process da producziun
- realisar ils process tecnics tenor las prescripziuns dal manaschi, sco stgaudar, sfradentar, maschadar, truschar, filtrar, destillar, setgentar, springir e pachetar
- inscriver en in cudesch da protocols tut las observaziuns dal process durant l'elavuraziun, sco per exempel la temperatura e la durada
- retrair tut ils products u tut las substanzas or dals apparats ed or da las installaziuns suenter ch'il process è terminà
Nettegiament e mantegniment
- nettegiar e tgirar ils apparats, las installaziuns ed ils urdains pitschens, sco ils cups da mesirar ed ils pistuns
- tegnair nets ils plazs ed ils locals da lavur
- controllar – suenter il nettegiament – sch'ils apparats e las installaziuns funcziunan
Scolaziun
Durada
2 onns
Furmaziun en la pratica
en in manaschi da producziun u da svilup da l'industria chemica, agrochemica, biotecnologica, farmaceutica u cosmetica
Furmaziun en scola
1 di per emna a la scola professiunala
Roms professiunals
- preparar ed elavurar posteriuramain substanzas dal process
- preparar ed elavurar posteriuramain plazs da lavur, purtaders d'energia, instruments ed apparats
- exequir process da producziun, nettegiar instruments, apparats e plazs da lavur
Curs ordaifer il manaschi
emprender la lavur pratica, approfundar ed exercitar las basas professiunalas, 24 dis durant 2 onns
Diplom
Practicist / Practicista da chemia e farmaceutica AFP
Premissas
Furmaziun preliminara
- terminà la scola obligatorica
- intginas firmas pretendan in examen d'admissiun
Pretensiuns
- interess tecnic
- abilitad da lavurar en in team
- fidadadad
- interess per process chemics u fisicals
- buna sanadad
- exactadad
Furmaziun supplementara
Curs
Purschidas da scolas spezialisadas e da scolas professiunalas spezialisadas sco er da l'associaziun aprentas
Emprendissadi supplementar
Practicistas e practicists da chemia e farmaceutica AFP pon per regla far in emprendissadi scursanì sco tecnologa / tecnolog da chemia e farmaceutica AFQ. Suenter pon vegnir absolvidas las medemas furmaziuns supplementaras sco ina tecnologa u in tecnolog da chemia e farmaceutica AFQ.
Cundiziuns da lavur
Practicistas e practicists da chemia e farmaceutica lavuran en ils labors da firmas spezialisadas. Ellas ed els portan in equipament da protecziun individual, sco egliers, mascrina per la fatscha, guants, protecziun da la fatscha, overal ed in chapitsch arià e ston observar strictamain las mesiras da segirezza. Ellas ed els collavuran principalmain cun tecnologas e tecnologs da chemia e farmaceutica, che surveglian lur lavur. En quest sectur vegn producì durant 7 dis l'emna, quai signifitga temps da lavur irregulars e servetschs da notg, er durant las fins d'emna.
Practicistas e practicists da chemia e farmaceutica lavuran il pli savens en manaschis da producziun da l'industria chemica, agrochemica, biotecnologica, farmaceutica u cosmetica. La purschida da plazzas d'emprendissadi correspunda circa a la dumonda. Cunzunt en las regiuns da Basilea e dal Vallais datti bleras pussaivladads da lavurar en manaschis gronds. En autras regiuns predomineschan las interpresas pli pitschnas e mesaunas.
Ulteriuras infurmaziuns
aprentas
4002 Basel
URL: www.aprentas.com
scienceindustries
8021 Zürich
URL: www.scienceindustries.ch
ASC – Associaziun svizra dals mastergns da chemia e farmaceuticaceutica
4005 Basel
URL: www.cp-technologe.ch