Lavurs
Lur lavurs èn las suandantas:
Far lavurs
- barschunar u glischentar elements u als tractar cun sablunaders
- cun l'accent surzinar: sfunsar elements da construcziun en zinc luà per als proteger cunter ruina
- cun l'accent galvanisar: sfunsar elements da construcziun en bogns chemics e vernischar las surfatschas cun crom, zinc, nichel, arom, argient u aur
- cun l'accent anodisar: sfunsar elements da construcziun en bogns chemics e rinforzar uschia las surfatschas p.ex. d'aluminium, titan u magnesium
- auzar elements da construcziun gronds u grevs cun agid d'ina crana en in bogn
- analisar la cumposiziun chemica dal liquid d'in bogn en il labor
- sche necessari, derscher ulteriuras chemicalias en il liquid
Controllar lavurs
- controllar la qualitad dals elements da construcziun durant e suenter il process
- nudar ils sbagls en in rapport ed als annunziar al galvanostegist superiur
Mantegnair las maschinas e garantir la segirezza
- applitgar e deponer correctamain chemicalias e products privlus, p.ex. cun vestgadira da protecziun u en buts
- mantegnair maschinas e meds da producziun, p.ex. cabels electrics e pumpas da filtrar
- dismetter ruments tenor las prescripziuns da segirezza e d'ambient
Scolaziun
Durada
2 onns
Accents
- surzinar
- galvanisar
- anodisar
Furmaziun en la pratica
En in manaschi da la branscha da galvanostegiar
Furmaziun en scola
1 di per emna en la scola professiunala spezialisada
Roms professiunals
- tecnologia
- enconuschientschas da manaschi en chemia e fisica
- quints spezialisads
- segirezza al plaz da lavur e protecziun da la sanadad
- garanzia e controlla da qualitad
- protecziun da l'ambient
Curs ordaifer il manaschi
Emprender, approfundar ed exercitar las basas professiunalas, 16 dis durant 2 onns.
Diplom
Practicist / Practicista da tractament da surfatschas AFP
Premissas
Furmaziun preliminara
- terminà la scola obligatorica
Pretensiuns
- interess per l'elavuraziun da metal e da materia sintetica
- inschign manual
- sanadad robusta
- naginas allergias cunter metals
- agilitad corporala
- independenza
Furmaziun supplementara
Curs
Purschidas da scolas spezialisadas e da scolas professiunalas spezialisadas sco er da la Fundaziun svizra per ils tractaments da surfatschas, FSTS, e da l'Associaziun svizra da l'aluminium, alu.ch.
Emprendissadi supplementar
Practicists / Practicistas dal tractament da surfatschas AFP pon per regla far in emprendissadi scursanì sco Galvanostegist / Galvanostegista AFQ. Suenter pon vegnir absolvidas las medemas furmaziuns supplementaras sco per Galvanostegist / Galvanostegista AFQ.
Cundiziuns da lavur
Practicistas e practicists da tractament da surfatschas lavuran en lavuratoris ensemen cun galvanostegistas. Durant la lavur portan ellas ed els in equipament da protecziun correspundent, sco guants ed egliers. Ellas ed els lavuran cun chemicalias, perquai ston ellas ed els observar reglas severas concernent la segirezza al plaz da lavur e concernent la protecziun da la sanadad e da l'ambient. Per regla han ellas ed els uras da lavur regularas.
Practicistas e practicists da tractament da surfatschas lavuran en manaschis u en partiziuns da galvanostegiar d'interpresas da construcziun da metal e da materias sinteticas. La purschida da plazzas d'emprendissadi è differenta da regiun a regiun.
Ulteriuras infurmaziuns
FSTS Fundaziun svizra per ils tractaments da surfatschas
3001 Berna
URL: www.sso-fsts.ch
SWISSGALVANIC Verband Schweizer Galvanobetriebe
5436 Würenlos
URL: www.swissgalvanic.ch
Uniun svizra da las zincarias USZ
6005 Lucerna
URL: www.verzinkereien.ch
VSA-ASA Associaziun svizra da las interpresas d'anodisaziun
8027 Turitg
URL: www.vsa-asa.ch