Lavurs
Practicists e practicistas da construcziun en metal fabritgeschan e monteschan elements da construcziun da metal. Quai èn p.ex. portas, fanestras, balcun, stgalas u puntanadas da metal. Els lavuran cunzunt cun atschal ed aluminium. Emprim elavuran els al tocca en il lavuratori. Alura gidan el da transportar e montar la tocca sin il plazzal.
Els exequeschan suandantas lavurs:
En il lavuratori
- leger e chapir ils plans da construcziun
- guardar sin ils dissegns e mirar tge tocca da tge material ch’i dovra
- prender exactamain mesira da la tocca
- nudar la marcaziun sin las plattas, sin ils bischens e sin ils bastuns
- taglier tiers, furar, far rusnas e mular plattas, bischen e bastuns
- buglir e struvegiar ensemen tocca
- montar savas, serradiras u stuppadiras
- dar si colur speziala a las surfatgas per ch’ellas na fetschian betg ruina
- nettegiar regularmain ils guaffens
- deponer il material correctamain
Sin il plazzal
- montar tocca da construcziun, vul dir: struvegiar u buglir ellas
- montar gronda tocca cun agid da la schirella u da la crana
- montar las fanestras e las portas
- fixar ils tschabargals
Scolaziun
Durada
2 onns
Furmaziun en la pratica
En in manaschi da l’industria da metal
Furmaziun en scola
1 di per emna a la scola professiunala
Roms professiunals
- organisaziun da manaschi
- ambient e segirtad
- construcziun
- fabricaziun
- montascha
- basa planisatorica
Curs ordaifer il manaschi
Emprender ed exercitar a moda pratica la basa professiunala, 24 dis durant 2 onns
Diplom
Practicist / Practicista da construcziun en metal AFP
Premissas
Furmaziun preliminara
- Temp da scola obligatoric terminà
Pretensiuns
- chapientscha tecnica (p.ex. per la lavur cun maschinas dirigidas da computers)
- inschign manual
- constituziun dal corp ferma e sauna
- movibladad
- naginas allergias cunter metals
Furmaziun supplementara
Curs
purschidas da scolas professiunalas, da scolas spezialisadas superiuras sco era da la l’Uniun svizra dal metal SMU.
Constructura en metal AFQ
Practicistas da construcziun en metal AFP pon absolver ina furmaziun da basa scursanida sco constructura en metal cun attestat federal da qualificaziun AFQ (entrada en il 2. onn da la furmaziun da basa).
Suenter èsi pussaivel da frequentar las medemas furmaziuns supplementaras sco constructur en metal AFQ
Cundiziuns da lavur
Practicists e practicistas da construcziun en metal lavuran en firmas da construcziun da la branscha d’atschal, da metal e da fanestras e da fatschadas u en l’industria. Els exequeschan simplas lavurs en il lavuratori e sin il plazzal. Intginas lavurs èn malsegiras ed i regia savens gronda canera.
Perquai portan ils profis vestgadira da protecziun sco egliers, chapellina, protecziun da l'udida e chalzers da segirezza. Tut tenor aura ston els midar lur plans primars da lavur. Practicists e practicistas da construcziun en metal lavuran el team e coordineschan lur lavurs cun autras persunas spezialisadas da la branscha da construcziun.
Ulteriuras infurmaziuns
AM Suisse
URL: www.metall-und-du.ch