Lavurs
Els exequeschan suandantas lavurs:
Preparar las lavurs ed endrizzar il plazzal
- leger ed interpretar plans sco era documentar las atgnadads dals tetgs che ston vegnir cuverts
- eleger material adattà per la furma dal tetg ed er resguardar l’effizienta d’energia e l’estetica
- prender mesiras, quintar ed empustar ils materials ch’i dovra
- transportar e deponer il material sin il plazzal
- segirar il plazzal ed installar maschinas, auzaders da construcziun e stgalas provisoricas
- planisar ils singuls pass da tschentar ils tetgs
Tschentar ils tetgs
- installar las barrieras da vapur e las isolaziuns che procuran custs da stgaudar pli bass ed in bun clima en il local tenor las indicaziuns dal fabritgader
- colliar las differentas rasadas cun il tetg pers, latiers ston vegnir planisads elements che vegnan pèr montads pli tard, per exempel chamins, collecturs da sulegl u fanestras da tetg
- ordinar, adattar e tagliar ils quadrels da tetg
- tschentar plattas da format grond per ils tetgs d’edifizis d’industria, colliar ed buglir differents elements in cun l’auter
- montar indrizs solars e preparar la colliaziun
- cumplettar lavurs, controllar la qualitad e rediger rapports
Reparar e mantegnair
- nettegiar ils tetgs avant la cuverta e sanar en cas da basegn
- isolar ils stgarps, allontanar e remplazzar quadrels e plattas da tetg donnegiadas
- dismetter ils ruments a moda ecologica
- mantegnair ils utensils e las maschinas
Scolaziun
Durada
3 onns
Furmaziun en la pratica
En in manaschi da la branscha da mantellada dal bajetg
Furmaziun en scola
Curs en bloc a las scolas professiunalas ad Uzwil/SG, les Paccots/FR u a Lugano_Trevano/TI
Roms professiunals
- prescripziuns e mesiras davart la segirezza da lavur e la protecziun da la sanadad e da l’ambient
- installaziun da stresas e sistems sin paraids e mirs exteriurs
- planisaziun e preparaziun da las lavurs da cuvrida da tetg
- tschentar, mantegnair e reparar ils sistems da tetg
Curs ordaifer il manaschi
Emprender ed exercitar a moda pratica la basa professiunala. 30-37 dis durant 3 onns.
Maturitad professiunala
Cun fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "cuvratetgs AFQ"
Premissas
Furmaziun preliminara
- Temp da scola obligatoric terminà
Pretensiuns
- senza sturnizi
- inschign manual
- chapientscha pratica
- chapientscha tecnica
- imaginaziun dal spazi
- buna constituziun corporala
- abilitad da lavurar en in team
- plaschair da lavurar ordadora
Furmaziun supplementara
Curs
purschidas da scolas spezialisadas e scolas professiunalas, da l’uniun Polybau sco era d'interpresas da la branscha da mantellada dal bajetg d’edifizis
Furmaziun da basa scursanida
- emprendissadi supplementar d’in onn sco isolatur AFQ, sco constructura da fatschadas AFQ u sco constructur da puntanadas AFQ
- emprendissadi supplementar da dus onns sco montadra da storas AFQ u sco toler AFQ
Examen professiunal (EP) cun certificat professiunal federal
- manadra da construcziun da mantellada dal bajetg
- cussegliader energetic en edifizis
- manadra da project en montascha solara
Examen professiunal superiur (EPS)
- maister / maistra en mantellada dal bajetg dipl.
-
maister / maistra en policonstrucziun dipl.
Scola spezialisada superiura (SSS)
studis en champs parentads, p. ex. tecnicista dipl. SSS surveglianza da construcziun
Scola auta spezialisada (SAS)
studis en champs parentads, p. ex. Bachelor of Science SAS en inschigneria da construcziun (direcziun mantellada dal bajetg d'edifizis) a la Scola auta Lucerna. Tut tenor scola auta spezialisada valan differentas cundiziuns d’admissiun.
Cundiziuns da lavur
Cuvratetgs lavuran or en il liber e da tutt’aura. Cunquai ch’i dat diversas lavurs privlusas portan els latiers in equipament da protecziun cun egliers, chapellina, chalzers da segirezza e guants.
La glieud da professiun lavura en in team sisum ils tetgs u las puntanadas e savens en posiziuns malempernaivlas. Tut tenor stagiun po lur temp da lavur variar. Els coordineschan lur activitads cun auters spezialists en il secturs da mantellada dal bajetg e fatgs da construcziun, cunzunt cun ils tolers.
Las persunas da professiun lavuran en manaschis da la branscha da mantellada dal bajetg u en manaschis da stagners/tolers. I sa tracta per gronda part dad interpresas pitschnas u mesaunas. Suenter insaquants onns experientscha professiunala pon ellas surpigliar posiziuns cun dapli responsabladad, per exempel sco manader da la squadra u sco manadra dal plazzal.
Ulteriuras infurmaziuns
Bildungszentrum Polybau - Standort Ost (Hauptsitz)
9240 Uzwil SG
+41 71 955 70 41
URL: www.polybau.ch