Lavurs
Isolaturs ed isolaturas isoleschan tetgs plats, penslas, terrassas e tschaler. Uschè protegian els ils edifizis e las construcziuns sco tunnels u punts da las influenzas da l’aura. Sco persunas spezialisadas da la mantellada dals bajetgs monteschan els revestgiments ecologics ed effizients areguard l’energia vid construcziuns novas ed edifizis renovads.
Els exequeschan suandantas lavurs:
Preparar lavurs ed endrizzar plazzals
- examinar construcziuns u edifizis che ston vegnir isolads e controllar il stadi da las rasadas da la construcziun
- tscherner la tecnica d’isolaziun che correspunda a la furma da l’edifizi e ch’è effizienta areguard l’energia ed estetica
- eleger e cumbinar materias adattadas
- leger ed interpretar plans sco er far skizzas
- far mesiraziuns e calcular la quantitad dal material necessari
- transportar e magasinar il material sin il plazzal
- eriger las puntanadas sin il plazza, segirar il plazzal sco e las maschinas, installar auzaders da construcziun e stgalas provisoricas
Isolar
- sientar, nettegiar ed gulivar surfatschas planivas
- proteger tschalers, chanals, recipients u autras paraids sutterranas dad auas penetrantas
- tschentar isolaziuns da sdrimas da bitum, catram da culaditsch u materia sintetica e resguardar latiers la moda d’applicaziun u las perscripziuns da segirezza
- buglir chavas ed urs per ch’els sajan propi impermeabels
- colliar materials in cun l’auter u cun autras parts dal edifizi e resguardar latiers las forzas expansivas che pon sa resultar tras midadas da temperatura
- montar indrizs solars e preparar las colliaziuns
- tschentar plattas da palantschieus e proveder cun ulteriuras rasadas sco per exempel glera u plantinas
- finir las lavurs, controllar la qualitad e scriver rapports
Reparar e mantegnair
- definir ed eliminar las raschuns daco che l’aua penetrescha l’edifizi u autras construcziuns
- remover e remplazzar materials donnegiads
- isolar plauns sutterrans e paradis supplementarmain cun materia sintetica liquida sche necessari
- dismetter il rument adattà a l’ambient
- mantegnair guaffens e maschinas
Scolaziun
Durada
3 onns
Furmaziun en la pratica
En in manaschi da la branscha da paraids e mirs exteriurs d’edifizis
Furmaziun en scola
Curs en bloc a las scolas professiunalas ad Uzwil/SG, a Paccots/FR u a Lugano-Trevano/TI
Roms professiunals
- prescripziuns e mesiras davart la segirezza da lavur e la protecziun da la sanadad e da l’ambient
- installaziun da stresas e sistems vi da paraids e mirs exteriurs
- planisaziun e preparaziun da las lavurs d’isolaziun
- tschentar, mantegnair e reparar ils sistems d’isolaziun
Curs ordaifer il manaschi
Emprender ed exercitar a moda pratica la basa professiunala. 30-37 dis durant 3 onns.
Maturitad professiunala
Cun fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Isolatur / isolatura AFQ
Premissas
Furmaziun preliminara
- Temp da scola obligatoric terminà
Pretensiuns
- inschign manual
- chapientscha pratica
- chapientscha tecnica
- imaginaziun dal spazi
- constituziun sauna e robusta
- agilitad
- senza sturnizi
- abilitad da lavurar en in team
- moda da lavurar exacta
- perseveranza
- plaschair vi da la lavur en il liber
Furmaziun supplementara
Curs
purschidas da scolas spezialisadas e scolas professiunalas, da l’uniun Polybau sco era d'interpresas da la branscha da paraids e mirs exteriurs d’edifizis
Furmaziun da basa scursanida
- emprendissadi supplementar d’in onn sco cuvratetgs AFQ u sco constructur / constructura da fatschadas AFQ
- emprendissadi supplementar da dus onns sco constructur / constructura da puntanadas AFQ, montader / montadra da storas AFQ u sco toler / tolera AFQ
Examen professiunal (EP)
cun diplom federal, p.ex.:
- manader da construcziun da la mantellada dals bajetgs
- cussegliadra energetica en edifizis
- manader da project en montascha solara
Examen professiunal superiur (EPS)
P.ex. Maistra da la mantellada dals bajetgs dipl., maister policonstructur dipl.
Scola spezialisada superiura (SSS)
curs da furmaziun en champs parentads, p. ex. tecnicist / tecnicista dipl. SSS surveglianza da construcziun
Scola auta spezialisada (SAS)
studis en champs parentads, p. ex. Bachelor of Science SAS en inschigneria da construcziun (direcziun mantellada dals bajetgs). Tut tenor scola auta superiura valan differentas cundiziuns da lavur.
Cundiziuns da lavur
Isolaturs ed isolaturas lavuran per la gronda part sin plazzals or el liber. Perquai che tschertas lavurs èn cumbinadas cun privels portan els equipament da protecziun cun egliers, chapellina, chalzers da segirezza e guants. La glieud da professiun lavura en in team, si ad aut sin punteras e savens en posiziuns malcumadaivlas. Lur temp da lavur po variar tut tenor stagiun. Els coordineschan lur lavurs cun auters spezialists en il sectur da la branscha da la mantellada da bajetgs e construcziun.
Las persunas da professiun lavuran en manaschis da la branscha da la mantellada dals bajetgs u en manaschis d’isolaziun.
I sa tracta per gronda part d’interpresas pitschnas e mesaunas. Suenter insaquants onns d’experientscha professiunala pon els surpigliar posiziuns cun responsabladad, sco mainasquadra u maina construcziun.
Ulteriuras infurmaziuns
Uniun Polybau
9240 Uzwil
URL: www.polybau.ch