Lavurs
Els exequeschan suandantas lavurs:
Preparaziuns
- far il plan da lavur ed eleger il proceder d'elavuraziun
- plazzar la tocca ed endrizzar las maschina
- nettegiar e prepulir la tocca da las uras e da la bischutaria ord la producziun ed allontanar las gronda part da las malgulivezzas
- determinar las surfatschas che restan smortas e tge chantuns che duajan avair urs gizs
- pulir las surfatschas dals tocs en elavuraziun cun agid da guaffens a maun u cun maschinas
Nobilisar las surfatschas
- far lavurs da precisiun, per exempel cun sablunaders e bastuns da pulir
- pulir las uras ed ils tocs da bischutaria e guardar che las surfatschas traglischian u sa mussian smortas
- controllar la qualitad, examinar cun guaffens da mesira sche la grondezza da la tocca constettia
- nettegiar cun precauziun la tocca singula cun aua da savun, dissolvents ed alcohol
Segirezza e lavuratori
- enconuscher las prescripziuns da segirezza al plaz da lavur e las prescripziuns da la protecziun da l'ambient, tractar cun precauziun ils materials prezius sco aur, platin u argient
- tegnair net il plaz da lavur, mantegnair ils guaffens e las maschinas
- dismetter il rument adattà a l'ambient u al reciclar
Scolaziun
Basa legala
Ordinaziun federala 19-01-2018
Durada
2 onns
Furmaziun en la pratica
En in atelier da pulir u en ina fabrica d'uras e bischutaria u en in lavuratori d'aurers
Furmaziun en scola
1 di l'emna a la scola professiunala
Roms professiunals
- organisaziun, preparaziun da las lavurs, protecziun da l'ambient, sanadad e segirezza al plaz da lavur
- preparaziun da las surfatschas e tecnicas manualas d'elavuraziun
- exequir las tecnicas finalas da l'elavuraziun da la surfatscha
Curs ordaifer il manaschi
Tar differents temas
Diplom
Attest federal professiunal "pulitur / pulitura AFP"
Premissas
Furmaziun preliminara
- temp da scola obligatoric terminà
Pretensiuns
- mauns inschignus
- moda da lavurar exacta
- buna concentraziun
- pazienza e perseveranza
- fidadadad
- buns egls (era cun vesida curregida)
- naginas allergias da metals
Furmaziun supplementara
Curs
purschidas da l'Associaziun svizra dals patruns da l'industria d'uras, da scolas professiunalas e scolas spezialisadas d'art applitgà
Nobilisader / Nobilisadra d'uras e bischutaria AFQ
Puliturs pon far ina furmaziun da basa scursanida sco nobilisader / nobilisadra d'uras e bischutaria AFQ (access al segund onn da la furmaziun).
Suenter han els las medemas pussaivladads da furmaziun supplementara sco nobilisaders d'uras e bischutaria AFQ.
Cundiziuns da lavur
Puliturs lavuran en ateliers da pulir da l'industria d'uras e da bischutaria. Il martgà da lavur per puliturs è fitg pitschen e sa restrenscha oravant tut sin la Svizra franzosa, en spezial sin il chantun Giura e sin ils chantuns da Genevra e da Neuschatel. En il rest da la Svizra na datti betg bleras purschidas.
Ulteriuras infurmaziuns
Associaziun svizra dals patruns da l'industria d'uras
Avenue Léopold-Robert 65
Chascha postala
2301 La Chaux-de-Fonds
Tel: +41 32 910 03 83
URL: www.cpih.ch