Lavurs
Dissegnaders e dissegnadras fan dissegns tecnics per projects da la planisaziun dal territori e da la planisaziun da construcziun tenor las incumbensas da spezialists, p.ex. architects e planisadras dal territori. Tut tenor lur direcziun da scolaziun èn els spezialisads en las domenas architectura, construcziun d’inschigneria, architectura d'interiurs, architectura da cuntradas u planisaziun dal territori.
Els exequeschan suandantas lavurs:
Incumbensas, tut tenor accent
- architectura: elavurar plans da projects e plans d’execuziun da construcziuns autas da tuts geners, sco per exempel da chasas d’abitar, centers da cumpra, edifizis da biro u d’industria
- construcziun d’inschigneria: elavurar plans da projects e plans d’execuziun da construcziuns u indrizs da traffic, sco p.ex. punts, tunnels, infrastructura per il traffic, stgalas u construcziuns purtantas
- architectura d'interiurs :elavurar plans per projects da renovaziun e da reconstrucziun, p.ex. d’abitaziuns, locals commerzials, locals da negozi u stans da fiera
- architectura da cuntradas: crear plans per zonas verdas e cuntradas en spazis vitals differents, saja quai en secturs d’abitar, da lavurar, da sa recrear sco era en secturs dal temp liber, dal turissem u da la protecziun da la natira e trair a niz latiers las enconuschientschas da plantas
- planisaziun dal territori: s’occupar da la planisaziun d’abitadis, dal traffic, da las cuntradas e da l’ambient, gidar a sviluppar ed a concepir quartiers, vitgs, citads u entiras regiuns
Dissegns tecnics e documentaziuns da planisaziun
- elavurar plans, skizzas e models per projects da construcziun.
- far dissegns a maun sco er duvrar programs da computer, uschè numnads programs da CAD, per far skizzas e plans
- sche necessari far mesiraziuns al lieu per obtegnair datas exactas
- far plans tridimensiunals e models da 3 D che correspundan a la scala dals projects da construcziun
Lavur da project
- calcular ils custs dal project da construcziuns e far propostas dals custs
- elavurar las descripziuns dals projects e la planisaziun dal temp
- collavurar a l’elecziun dals materials
- elavurar schliaziuns per tscherts projects e far latiers las calculaziuns matematicas e resguardar las leschas da las scienzas natiralas sco era las prescripziuns concernent il dretg da construcziun
- communitgar e preschentar las schliaziuns elavuradas, far adattaziuns sche necessari
- far diever da las enconuschientschas da las caracteristicas chemicas e fisicalas dal material da construcziun
- far attenziun che la moda da construir saja adattada a l’ambient.
- controllar l’elavuraziun da las lavurs planisadas sin il plazzal e la furniziun dal material da construcziun sin il termin fixà
- exequir lavurs administrativas, p.ex. far offertas u rapports
Scolaziun
Durada
4 onns
Direcziuns
-
architectura
- construcziun d’inschigneria
- architectura d'interiurs
- architectura da cuntradas
- planisaziun dal territori
Furmaziun en la pratica
En in manaschi da la direcziun respectiva, p.ex. en in biro d’architectura u d'inschigneria da construcziun
Furmaziun en scola
Durant l’emprim onn d’emprendissadi 2 dis, suenter 1-1½ dis per emna ad ina scola professiunala, tut tenor chantun e/u tenor direcziun instrucziun en bloc
Roms professiunals
- basa matematica e basa da las scienzas natiralas
- planisaziun
- visualisaziun
- lavur da project
Curs ordaifer il manaschi
Emprender ed exercitar la basa professiunals a moda pratica. 10-20 dis durant 4 onns.
Maturitad professiunala
Cun fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Dissegnader / dissegnadra AFQ
Premissas
Furmaziun preliminara
- scola obligatorica terminada
- bunas prestaziun en matematica, geometria, dissegn tecnic e linguas
Pretensiuns
- abilitad exprimida da s'imaginar il spazi
- pensar abstract-logic
- chapientscha per relaziuns cumplexas
- abilitad da crear dissegns e skizzas a maun
- interess da reglas matematicas e da reglas e connexs da las scienzas natiralas
- plaschair da lavurar al computer
- moda da lavurar exacta e conscienziusa
- talent d’organisar
- abilitad da lavurar en in team
- plaschair dal contact cun umans e dun da contractar
- per las direcziuns architectura da cuntradas e planisaziun dal territori: grond interess per la natira e l’ambient
Furmaziun supplementara
Curs
purschidas d’associaziuns professiunalas, da scolas spezialisadas superiuras e da scolas autas spezialisadas
Examen professiunal (EP)
cun certificat professiunal federal:
- ecobiolog da construcziun
- tecnicista da geomatica
Examen professiunal superiur (EPS)
cun diplom federal:
- manader da construcziuns
- maistra constructura
- expert per la construcziun sanadaivla e persistenta
Scola spezialisada superiura (SSS)
p.ex. tecnicista diplomada SSS planisaziun da construcziun u surveglianza da construcziun
Scola auta spezialisada (SAS)
Studis en direcziuns parentadas: p.ex. Bachelor of Science (SAS) en l’inschigneria da construcziun, en l’architectura dal cuntradas u en la planisaziun da citads, da traffic ed en la planisaziun dal territori, Bachelor of Arts (SAS) en architectura u architectura d’interiurs. Tut tenor scola auta spezialisada valan differentas cundiziuns d’admissiun.
Cundiziuns da lavur
Dissegnaders e dissegnadras lavuran tenor lur direcziun en biros d’architectura, d’inschigneria da construcziun, da planisaziun u en uffizis communals da construcziun. Els lavuran stretgamain cun persunas spezialisadas da lur branscha, sco p.ex. cun architectas u inschigners da construcziun. Lur lavurs exequeschan els per part en biro per part sin ils plazzals. Il temps da lavur è pel pli regulars.
La purschida da plazzas d'emprendissadisa differenziescha tut tenor la direcziun da scolaziun. Per la tschertga da plazzas ston ins mussar bler engaschament. Suenter la finiziun da lur furmaziun han els bunas schanzas sin il martgà da lavur, las perspectivas professiunalas dependan dentant fermamain da svilup en il sectur da construcziun. Cun furmaziuns supplementars ed experientscha da lavur adequata san els manar projects e surpigliar funcziuns da cader.
Ulteriuras infurmaziuns
Plavenir
6055 Alpnach Dorf
Tel: +41 41 670 02 02
URL: https://zeichnerberuf.ch