Lavurs
Lur lavurs èn las suandantas:
Preparar lavurs
- manar discurs cun la clientella ed eruir lur basegns, p.ex. co ch'ina mobiglia duai vegnir vernischada
- calcular ils materials ed il temp da lavur ch'èn necessaris per far las lavurs
- far plans da lavur per las incumbensas
- installar las blatgas, ils indrizs u ils palancads ch'i dovra per far il vernischadi
- preparar ed eventualmain maschadar la quantitad da colur ch'i dovra
- cuvrir secturs e parts che ston vegnir protegids
- allontanar stresas da colur u liadiras veglias e nettegiar tschertas parts
- far tractaments preliminars, p.ex. sgrassar, far davent la ruina, glimar u barschunar tschertas parts
Vernischar objects
- dar si ina vernisch da basa u ina protecziun cunter corrusiun
- dar si en moda differenta colurs e vernischs, p.ex. cun sprizzar, bagnar, proceduras electricas u cun in barschun
- sientar objects vernischads en in furn u tunnel
- controllar la qualitad da la lavur e sche necessari far meglieraziuns
Mantegnair utensils ed indrizs
- mantegnair, tgirar e nettegiar utensils, apparats ed indrizs
- dismetter correctamain ruments, sche pussaivel reciclar
- controllar regularmain, sche las maschinas ed ils indrizs funcziunan
- identifitgar ed eliminar disturbis
Scolaziun
Durada
3 onns
Furmaziun en la pratica
En in manaschi da vernischadi e da liadiras ubain en ina partiziun da vernischadi d'in manaschi industrial
Furmaziun en scola
1 di per emna en la scola professiunala spezialisada
Roms professiunals
- planisar las lavurs e manar simpels discurs cun la clientella
- far diever da las proceduras e da la tecnica d'applicaziun
- garantir la persistenza
Curs ordaifer il manaschi
emprender, approfundar ed exercitar las basas professiunalas, 24 dis durant 3 onns
Maturitad professiunala
sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Diplom
Vernischader industrial / Vernischadra industriala AFQ
Premissas
Furmaziun preliminara
- terminà la scola obligatorica
Pretensiuns
- inschign manual
- chapientscha pratica
- senn per colurs
- nagins disturbis da vesair colurs
- organs respiratorics sauns, naginas allergias cunter dissolvents ed autras chemicalias
- bun odurat
Furmaziun supplementara
Curs
purschidas da las scolas professiunalas spezialisadas e da las scolas spezialisadas sco er da l'Associaziun svizra dals maisters vernischaders industrials ASMVI (www.svilm.ch)
Examen professiunal (EP)
p.ex. Spezialist / Spezialista da vernischadi industrial cun attestat professiunal federal
Examen professiunal superiur (EPS)
p.ex. Directur / Directura da producziun industriala cun diplom federal
Furmaziun supplementara a l'exteriur
Tecnicist / Tecnicista da vernischadi cun diplom statal en ina scola spezialisada per colur e furmaziun da la Germania, fachschulen-farbe.de
Scola auta spezialisada (SAS)
studis en secturs parentads, p.ex. bachelor of arts en design d'objects u master of arts en design industrial
Cundiziuns da lavur
Vernischadras industrialas e vernischaders industrials elavuran las surfatschas da products industrials, per exempel da lain, da metal, da materia sintetica u da vaider. Vernischadras industrialas e vernischaders industrials vegnan en contact cun substanzas nuschaivlas e toxicas e portan perquai mascrinas da protecziun, egliers e guants. Ellas ed els lavuran en lavuratoris. Lur temps da lavur èn regulars.
Vernischadras industrialas e vernischaders industrials lavuran en interpresas da vernischadi e da liadiras ubain en partiziuns da vernischadi da manaschis industrials. Las perspectivas professiunalas sin il martgà da lavur èn bunas.
Ulteriuras infurmaziuns
ASMVI Center da scolaziun
6473 Silenen
URL: www.svilm.ch