Lavurs
Laborants e laborantas retiran, analiseschan, isoleschan, nettegian u produceschan differentas substanzas, per exempel provas d’umans, animals, plantinas u victualias. Els prendan era part dal svilup e da la producziun industriala da medicaments, colurants e materias sinteticas, da savuns, parfums e cosmetica, d’insecticids, aromas, grascha, rascha u tinta. I dat 4 direcziuns spezialisadas: biologia, chemia, colur e lac u textil.
Els exequeschan suandantas lavurs:
Preparar e retrair provas
- planisar ils differents pass d’ina prova da labor
- preparar e controllar materialias ed apparats
- retrair provas
- preparar provas ed organissems e resguardar latiers constantamain las prescripziuns
Provas da labor
- observar preparats ad egl, cun ina marella u cun in microscop
- enconuscher tratgs caracteristics e far fotografias
- laschar reagir ils preparats ed observar las midadas
- nettegiar substanzas cun differents proceders, per exempel destillar, filtrar u centrifugar
- intercurir exactamain las substanzas, per exempel sin lur purezza
- duvrar latiers apparats d’analisa d’auta precisiun, per exempel il spectrometer da materia, il spectometer NMR (nulear magnetic resonance) u il cromatograf da gas
- examinar, tut tenor direcziun, il svilup e las midads d’organissems e lur relaziun cun l’ambient
Elavuraziun da datas
- tschiffar las datas digitalmain, las elavurar e preschentar graficamain
- far statisticas
- scriver rapports dals experiments da labor
- preschentar ils resultats per englais u tudestgs tenor tscherts criteris
Producziun
- preparar las materias natiralas u sinteticas (artifizialas) che vegnan duvrads per la producziun da products d’industria
- definir la metoda la pli adattada e resguardar latiers las prescripziuns da segirezza
- sviluppar experiments per producir novas materias en il labor u generar substanzas natiralas che vegnan avant en la natira a moda sintetica
- analisar emprovas e far controllas da qualitad durant las differentas fasas da la producziun
Nettegiament
- nettegiar e dischinfectar il plaz da lavur ed ils instruments
- dismetter rument toxic e resguardar latiers las prescripziuns da segirezza ed ambient che sa sviluppan constantamain
Scolaziun
Durada
3 onns
Direcziuns
- biologia
- chemia
- colur e lac
- textil
Furmaziun en la pratica
En labors da l’industria farmaceutica u agrochemia, da l’industria da colur u lac, da l’industria textila u en instituts da perscrutaziun
Furmaziun en scola
1-2 u dis per emna a la scola professiunala
Roms professiunals
- planisar e preparar experiments e process da lavur
- elavurar datas
- adattar e sviluppar metodas, process e products
- organisar il labor
- realisar experiments e process da lavur en il labor (specific a la direcziun spezialisada)
- basa da las scienzas natiralas
- englais
- matematica applitgada
- metodica da labors
- enconuschientschas professiunalas applitgadas
Curs ordaifer il manaschi
Emprender ed exercitar a moda pratica la basa professiunala, 40 dis durant 3 onns
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Laborant / Laboranta AFQ
Premissas
Furmaziun preliminara
- temp da scola obligatoric
Pretensiuns
- interess vi da la perscrutaziun e vi da far experiments
- dun d’observaziun
- buna motorica fina
- moda da lavurar schubra ed exacta
- auta fidadadad
- interess vi dal contact cun utensils electronics ed apparaturas cumplexas
- buna sanadad e naginas allergias
- nagins disturbis da la vesida da colurs (tut tenor direcziun elegida)
Furmaziun supplementara
Curs
purschidas da firmas ed associaziuns professiunalas sco era dal "Verein Weiterbildung Laborberufe"
Examen professiunal (EP)
p.ex. spezialist da process cun diplom federal
Examen professiunal superiur (EPS)
p.ex. tecnicista da laboratori da las scienzas natiralas u expert per analisas biomedicalas e gestiun da labor cun diplom federal
Scola spezialisada superiura (SSS)
p.ex. analiticra biomedicala dipl. SSS, tecnicist dipl. SSS textil, tecnicista dipl. SSS tecnica da sistems
Scola auta spezialisada (SAS)
Studis en champs parentads, p.ex. Bachelor of Science (SAS) en chemia, en biotecnologia, en life technology. Tut tenor scola auta spezialisada valan differentas cundiziuns d’admissiun.
Cundiziuns da lavur
Laborants e laborantas lavuran en in team sut la responsabladad da biologas, medis u chemicras. Els lavuran ensemen cun perscrutaders da differents pajais. Perquai communitgeschan els savens en Englais. Magari èn els era engaschads or en il liber, p.ex. en l’agrochemia. En la perscrutaziun biomedicala lavuran els cun animals d’experiment. Els portan in equipament da protecziun cun scussal, egliers e guants.
La glieud da professiun lavura en ils secturs perscrutaziun, svilup, controlla, tecnica d’applicaziun u diagnostica en instituziuns da la furmaziun sco er en l’industria da chemia, da farma ni da victualias, en instituziuns da perscrutaziun federalas per l’agronomia ed en labors per l’inspecziun da victualias. Ellas pon sa spezialisar sin apparats fitg sviluppads u sco manadras da labor u da producziun, sco assistentas tecnicas u sco assistentas da la scienza. La glieud da professiun po er lavurar en firmas che vendan apparats da laboratori sco represchentantas tecnicas u represchentantas administrativas.
Ulteriuras infurmaziuns
Fachverband Laborberufe FLB
3001 Bern
URL: www.laborberuf.ch
aprentas
4002 Basel
URL: www.aprentas.ch
Swiss Textiles
8022 Zürich
URL: www.textilberufe.ch
VSLF/USVP Verband der Schweiz. Lack- und Farbenindustrie
8400 Winterthur
URL: www.lacklaborant.ch
scienceindustries
8021 Zürich 1
URL: www.scienceindustries.ch