Lavurs
Stagners e stagneras d’isolaziuns AFQ s’occupan da l’isolaziun da differents indrizs che genereschan chalur u fradaglia, ventilaziun u climatisaziun. Els isoleschan conducts da bischens, apparats, chalderas e locals da sfradentar cun material d’isolaziun ch’els enzuglian cun sturs e materia sintetica.
Els exequeschan suandantas lavurs
Preparaziun
- leger ils plans e las indicaziuns dils biros da planisaziun e mesirar or ils indrizs al lieu
- analisar las incumbensas e planisar las lavurs e resguardar latiers las relaziuns al plazzal e la segirezza da lavur
- eleger il material d’isolar e d’enzugliar e resguardar latiers las pretensiuns legalas sco er l’effizienza d’energia
- calcular la quantitad necessaria dals materials
- far dissegns da construcziun per la producziun ed il tagl da la cuverta per objects e locals, p.ex. chaldera dal stgaudament u locals da sfradentar
- tagliar la differenta tocca per la cuverta, producir la construcziun da sustegn e tut la tocca per la montascha, per exempel cun furar, stanzar, storscher u batter profundaziuns en furma da chavas en il sturs
- transportar e deponer precautamain il material al plazzal
Montascha e realisaziun
- preparar materials da lavur e guaffens
- montar ed adattar isolaziun definitiva u demontabla vid la tocca dals indrizs sco era curclar ils metals levs cun folias da PVC, d’aluminium u sturs
- montar e metter ensemen la differenta tocca da la cuverta da metal u da materia sintetica cun fixar, cun rebatter u cun struvas
Controllas e reparaturas
- examinar l’effizienza da las isolaziuns ed eliminar donns eventuals
- midar, barattar u rinforzar isolaziuns e cuvertas tar renovaziuns u reconstrucziuns
- duvrar danovamain il material d’isolaziun e da cuverta u al dismetter a moda adattada a l’ambient
Scolaziun
Durada
3 onns
Furmaziun en la pratica
En in fatschenta d‘isolar
Furmaziun en scola
1 di l'emna a la scola professiunala a Lenzburg
Roms professiunals
- planisar las lavurs per la realisaziun d’incumbensas d’isolaziun e cuvertas
- fabritgar construcziuns da sustegn e cuvertas
- montar construcziuns da sustegn, isolaziuns e cuvertas
- finir giu lavurs da realisaziun d’incumbensas d’isolaziun e cuverta
Curs ordaifer il manaschi
emprender ed exercitar a moda pratica las basas professiunalas. 9 curs, en tut 37 dis durant 3 onns.
Maturitad professiunala
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Diplom
Stagner / Stagnera d’isolaziuns AFQ
Premissas
Furmaziun preliminara
- Temp da scola obligatoric terminà
Pretensiuns
- inschign manual
- encletga pratica
- buna imaginaziun spaziala
- constituziun sauna e robusta
Furmaziun supplementara
Curs
purschidas da scolas spezialisadas e professiunalas, dad Isolsuisse sco era da firmas da producziun
Berufsprüfung (BP)
p.ex. spezialist da la protecziun cunter incendis cun certificat federal
Examen professiunal superiur (EPS)
experta da la protecziun cunter incendis cun diplom federal
Scola spezialisada superiura (SSS)
studis en direcziuns parentadas, p.ex. tecnicist / tecnicista dipl. SSS en surveglianza da construcziun
Scola auta spezialisada (SAS)
studis en direcziuns parentadas, p.ex. Bachelor of Science (SAS) en inschigneria da construcziun. Tut tenor scola auta spezialisada valan differentas cundiziuns d’admissiun.
Cundiziuns da lavur
Stagners e stagneras d’isolaziuns lavuran persuls u en pitschens teams en il lavuratori u da tut aura sin il plazzal. Els han temps da lavur regulars e lavuran cunzunt ensemen cun glieud da professiun da la branscha da construcziun, per exempel cun architects u montaders.
Stagners e stagneras d’isolaziun lavuran en manaschis pitschens u mesauns. Suenter intgins onns experientscha da lavur pon els manar in team u in plazzal. Mo paucas interpresas scoleschan emprendists ed emprendistas.
Ulteriuras infurmaziuns
Isolsuisse – Associaziun svizra da las fatschentas d'isolaziuns
8021 Turitg
URL: www.isolierspengler.ch