Lavurs
Els exequeschan suandantas lavurs:
En la direcziun victualias
- moler graun tar farina, semulina u flocs d'ensolver
- enconuscher las differentas sorts da graun e las pussaivladads tecnicas dal mulin
- savair co che las farinas vegnan duvradas en pasternarias ed en las chasadas
- producir products ch0adampleschan las differentas pretensiuns
En la direcziun victualias d'animals
- retschaiver il graun furnì, controllar la qualitad e nettegiar il graun
- producir pavel d’animals or da graun, favs u autra materia supplementara
- maschadar e preparar ils products primars tut tenor la spezia d’animal e la finamira da nutriment ed als smatgar tut tenor basegn en pitschens quadrins
- savair ils basegns da nutriment da differentas spezias d’animals
- adattar ils products cuntinuadamain als basegns da la clientella
Lavurar cun maschinas cumplettamain automaticas
- planisar, diriger e survegliar il process da producziun
- prender cuntinuadamain provas e far controllas
- eliminar disturbis durant il process da producziun
- emplenir la rauba elavurada en satgs e la preparar per il transport
Scolaziun
Basa legala
Ordinaziun federala dals 4-11-2011 (versiun dal 1-1-2018)
Durada
3 onns
Direcziuns
- victualias
- victualias d’animals
Furmaziun en la pratica
En in mulin u en in implant per pavel maschadà
Furmaziun en scola
Quatter curs da bloc da 2 - 3 emnas per onn en il Center da professiun e furmaziun Wil-Uzwil
Roms professiunals
- prender cunter ed administrar rauba
- products da graun/producir victualias d’animals
- qualitad, igiena, mantegniment, segirezza da la lavur, garantir la protecziun da l’ambient
Curs ordaifer il manaschi
Emprender ed exercitar las basas professiunalas en la pratica
Maturitad professiunala
Fitg bunas prestaziuns da permettan da frequentar la scola da maturitad professiunala durant la furmaziun da basa.
Diplom
Attestat federal da qualificaziun "muliner / mulinera AFQ"
Premissas
Furmaziun preliminara
- scola obligatorica terminada cun pretensiuns mesaunas u autas
Pretensiuns
- plaschair vi da products natirals
- interess vi da process biologics, fisicals e chemics
- interess da s’occupar da maschinas
- chapientscha tecnica
- bun dun d’observaziun
- senn per igiena
- ferma constituziun
- buna sanadad (naginas allergias)
- bun nas e bun palp
Furmaziun supplementara
Emprendissadi supplementar
muliner / mulinera AFQ da la segunda direcziun speziala (1 onn)
Furmaziuns supplementaras en Svizra
- tecnicist muliner / tecnicista mulinera a la Schweizerische Müllereifachschule Son Gagl
- tecnicist / tecnicista da pavel maschadà a la Scola per tecnica da pavel ad Uzwil
Scola spezialisada superiura (SSS)
tecnicist / tecnicista dipl. SSS tecnologia da victualias
Scola auta spezialisada (SAS)
Bachelor of Science (SAS) en tecnologia da victualias
Scolaziuns en Germania
- spezialist / spezialista silo da graun
- manager / managera da graun, scolaziun spezialisada economia da magasins
- maister muliner / maistra muliner (a la Meisterschule a Hoppenlau / Stuttgart u a la Deutsche Müllerschule Braunschweig)
Cundiziuns da lavur
Mulineras e muliners han per gronda part temp da lavur regulà, en tscherts manaschis lavuran els en lavur da duas squadras. En Svizra datti radund 130 mulins. Ina midada en manaschis da producziun parentads per exempel en la producziun da victualias è pussaivla. Muliners han bunas schanzas sin il martgà da lavur, damai che la dumonda suenter spezialists qualifitgads è gronda. Ultra da quai èn els era tschertgads a l’exteriur sco persunas dal fatg.
Ulteriuras infurmaziuns
Schweizerischer Verein Arbeitswelt Müller/in
Bernstr. 55
Chascha postala 737
3052 Zollikofen
Tel: +41 31 915 21 11
URL: www.mueller-in.ch