Lavurs
Els exequeschan suandantas lavurs:
Far matgs, arranschaments e tschupels
- far matgs, arranschaments e tschupels cun flurs da tagl, plantas verdas, puschas e pumaraida ed ornar quels cun bindels e figuras da decoraziun
- far arranschaments stagiunals per Pasca, Nadal, Son Valentin u a chaschun dal di da la mamma
Crear ornaments da flus per occurrenzas
- resguardar ils giavischs da la clientella
- far ornaments da flurs per nozzas, anniversaris u sepulturas
- ornar salas da festa e baselgias
Lavurar en fatschenta da flurs
- preschentar ils matgs e las plantas verdas a moda e maniera attractiva en stizun da flurs
- decorar la vitrina e las stanzas
- nettegiar vasas e regals, dustar ils ruments e scuar il palantschieu
- dar aua e tgirar las plantas
- reciclar e dismetter il rument a moda correcta
- prender encunter empustaziuns per telefon ed e-mail
- emplenir scrits da furniziun e quittanzas
- furnir sez ils matgs u incumbensar il servetsch da furniziun
Scolaziun
Basa legala
Ordinaziun federala 10-10-2007 (versiun dal 1-1-2018)
Durada
3 onns
Furmaziun en la pratica
En in affar da flurs u tar in distribuider a l’engrossa
Furmaziun en scola
1 di per emna a la scola professiunala
Roms professiunals
- vendita
- fluristica
- botanica
- furmaziun creativa
Curs ordaifer il manaschi
Emprender ed exercitar a moda pratica la basa professiunala
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Lavuratoris d’emprendissadi
Kantonale Gartenbauschule Oeschberg (3 onns) u Floristenschule Lullier (3 onns per franzos): scolaziun teoretica e pratica en scola, praticums en affars da flurs; pussaivladad d’abitar en l’internat
Diplom
Attestat federal da qualificaziun "flurist / flurista AFQ"
Premissas
Furmaziun preliminara
- temp da scola obligatoric terminà
Pretensiuns
- interess vi da la natira, vi da flurs e plantas
- plaschair vi dal contact cun clients e vi da la vendita
- empatia e sensori per giavischs da clients
- sensori per colurs e furmas
- creativitad
- inschign manual
- buna sanadad; naginas allergias
- fidadadad
Furmaziun supplementara
Curs
purschidas dal Schweizerischer Floristenverband, da scolas professiunalas u da purschiders privats
Examen professiunal (EP)
flurist / flurista cun certificat professiunal federal
Examen professiunal superiur (EPS)
maistra flurista dipl.
Scola spezialisada superiura
p. ex. tecnicist dipl. SSS
surveglianza da construcziun cun approfundaziun en construcziun d’orticultura e cuntrada
Scola auta spezialisada
en il champ professiunal natira: p. ex. Bachelor of Science (SAS) en inschigneria da l’ambient, en agronomia, en architectura da cuntrada, en il champ professiunal furmaziun creativa: p. ex. Bachelor of Arts (SAS) en architectura interna u en design da products ed industria
Cundiziuns da lavur
Flurists lavuran sco emploiads u sur sasezs en affars da flurs, p. p. era en centers d’orticultura u tar distribuiders a l’engrossa.
Il temp da lavur sa drizza tenor ils temps d’avertura dals affars. Avant firads èsi spezialmain hectic. Flurists ston lura savens far sururas. Els pon lavurar en temp cumplain u parzial. I dat era relaziuns d’engaschament stagiunalas.
Flurists lavuran savens en localitads fraidas ed umidas. En la lavur dal mintgadi stattan els savens sin pe e ston per il solit purtar chaussas grevas sco vaschs, chistas e sadellas.
Ulteriuras infurmaziuns
Schweizerischer Floristenverband
8602 Wangen b. Dübendorf
URL: www.florist.ch
Kantonale Gartenbauschule Oeschberg
3425 Koppigen BE
URL: www.oeschberg.ch
Centre de Lullier Ecole pour fleuriste
1254 Jussy
URL: www.lullier.ch