Lavurs
Els exequeschan suandantas lavurs:
Fabricaziun da vaschs ed utensils
- ideas e concepts per vaschs e utensils
- far skizzas, maletgs u dissegns da vaschs e utensils
- materials adattads per la fabricaziun dals objects
- planisar process da lavur per la fabricaziun da vaschs ed utensils
- elavurar datas digitals per la fabricaziun dirigidas dal computer
Fabritgar e reparar vaschs ed utensils
- preparar l'enchastrada da pedras preziusas sin il toc da bischutaria u auters products
- giustar pedras preziusas sco diamants, smaragds u rubins sin l'enchastrada
- enchastrar pedras preziusas sin differentas enchastradas
- finir las enchastradas da pedras preziusas
- tractar las surfatschas da las enchastradas da pedras
- controllar e nudar la bischutaria ed auters products d'enchastrada da pedras preziusas
Cussegliar la clientella
- cussegliar la clientella tar bischutaria cun pedras preziusas
- far offertas per la fabricaziun, l'elavuraziun e las reparaturas
- sclerir la realisabladad ed ils ristgs da las reparaturas
- preschentar la bischutaria finida, ils utensils ed ils concepts
- exequir simplas lavurs administrativas en connex cun incaricas da la clientella e servetschs
Scolaziun
Basa legala
Ordinaziun federala 9-7-2021
Durada
4 onns
Furmaziun en la pratica
En in atelier
Furmaziun en scola
1 di per emna a la scola professiunala
Roms professiunals
- cussegliar la clientella e porscher servetschs
- crear bischutaria, utensils e products parentads
- planisar e preparar la fabricaziun, reparatura e l'elavuraziun da bischutaria, utensils e products parentads
Curs ordaifer il manaschi
Emprender ed exercitar a moda pratica la basa professiunala
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "Enchastrader / enchastradra da pedras preziusas AFQ"
Premissas
Furmaziun preliminara
- temp da scola obligatoric terminà
- ils VSGU-ASHB cusseglia da visitar in'examinaziun da la qualificaziun
Pretensiuns
- inschign manual
- motorica fina
- enclegientscha tecnica
- flair creativ
- imaginaziun tridimensiunala
- senn per bellezza
- pazienza, premura e perseveranza
- buna vesida (era curregida)
- creativitad
Furmaziun supplementara
Curs
purschidas da scolas d’art applitgà e da scolas professiunalas sco era dal Verband Schweizer Goldschmiede und Uhrenfachgeschäfte VSGU
Scola spezialisada superiura (SSS)
Curs da furmaziun en secturs spezials, p.ex. creader dipl. SSS design da products
Scola auta spezialisada (SAS)
Roms da studi en secturs spezials. P.ex. Bachelor of Arts (SAS) en design da products e d’industria. Tut tenor scola auta spezialisada valan differentas cundiziuns d'admissiun.
Cundiziuns da lavur
La lavur d’aurer pretenda fitg bler pazienza ed in’auta concentraziun. Aurers ston savair seser u star uras a la lunga davos maisa, pudair ir enturn cun utensils da precisiun ed adina lavurar da moda e maniera exacta.
La fundaziun d’in agen manaschi suenter la terminaziun da la furmaziun da basa dumonda in grond engaschament persunal, in talent d’organisaziun, l’inschign en il contact cun la clientella sco era in senn commerzial.
Ulteriuras infurmaziuns
Verband Schweizer Goldschmiede und Uhrenfachgeschäfte VSGU
Bahnhofstrasse 7b
6210 Sursee
Tel: +41 41 926 07 92
URL: www.vsgu-ashb.ch