Lavurs
Els exequeschan suandantas lavurs:
Retschaiver ed administrar rauba
- prender encunter rauba
- controllar la rauba tenor las instrucziuns dals superiurs
- annunziar sch’i dat sbagls u rauba rutta
- examinar ils documents da furniziun ed als cumparegliar cun l’empustaziun
- tatgar si e scannar codes da stritga
- transtgargiar la rauba cun maschinas
- stgargiar e sortir rauba
- far stim da la segirezza
Administraziun dal deposit
- magasinar endretg la rauba
- resguardar las prescripziuns, quai vul per exempel dir da na betg chargiar memia bler sin in regal
- pachetar a moda segira substanzas toxicas sco chemicalias, uschenumnada rauba da privel, tenor las instrucziun dals superiurs
- controllar l’inventari dal magasin, quai vul dir mirar con bler rauba ch’è anc el deposit
- far empustaziuns sch’i ha memia pauc en il magasin
- endatar e dar vinavant las infurmaziuns giavischadas en il computer u al il telefon
- preparar las empustaziuns da la clientella fin al termin fixà
Distribuziun
- pachetar la rauba a moda segira e spargnusa
- duvrar chartun, material pulstrà e folia
- agiuntar ils scrits da furniziun e documents da duana
- guardar nua, co e cura che la rauba duai vegnir spedida
- trametter ils pachets cun la posta u cun auters servetschs da pachets
- organisar la tura da furniziun e chargiar ils vehichels suenter correspundentamain
- chargiar ils pachets ch’i dovra pauc spazi ed als segirar cun tschintas u raits
- resguardar las prescripziuns da l’interpresa
- exequir las distribuziuns uschè sco la clientella giavischa
Scolaziun
Durada
2 onns
Furmaziun en la pratica
En in deposit resp. in lieu da producziun, in center da brevs u in servetsch da pachets.
Furmaziun en scola
1 di per emna a la scola professiunala
Roms professiunals
- retschaiver rauba
- controllar rauba
- distribuir rauba
- segirezza da la lavur, protecziun da la sanadad, da datas e da l’ambient
- qualitad, rentabilitad ed effizienza da las resursas
Curs ordaifer il manaschi
Emprender ed exercitar a moda pratica la basa professiunala, 14 dis durant 2 onns
Diplom
- Logisticher / Logisticra AFP
- Certificat da la SUVA - manischunz da plunaders
Premissas
Furmaziun preliminara
- temp da scola obligatoric terminà
Pretensiuns
- inschign manual
- buna sanadad
- fidadadad e senn da responsabladad
- perseveranza ed abilitad da sa concentrar
Furmaziun supplementara
Curs
purschidas da scolas professiunalas e scolas spezialisadas, da la Schweiz. Vereinigung für die Berufsbildung in der Logistik SVBL e dad autras associaziuns professiunalas
Emprendissadi supplementar
Suenter la furmaziun d’attest pon logistichers / logistricas AFP absolver ina furmaziun da basa scursanida da 2 onns sco logisticher / logistica AFQ: admissiun el 2. onn.
Alura èsi pussaivel da frequentar las medemas furmaziuns supplementaras sco logistichers / logisticras AFQ.
Cundiziuns da lavur
Logistichers e logistricas AFP lavuran en chadainas da chasas da cumpra, magasins da materia da construcziun e da toc da reserva, en centers da districuziun da rauba da grossists u centers da zavrar pachets, tar la spediziun da posta u staziuns da vitgira. Els lavuran en deposits e tut tenor lavur era or en il liber, p.ex. sch’els chargian ils vehichels. Els lavuran en teams e lur lavur vegn controllada da logistichers AFQ. Els lavuran er cun autras persunas da professiun, per exempel cun camiunists. Els portan equipament da protecziun, p.ex. chalzers da segirezza. Il temps da lavur è per il pli regulars. Tut tenor lieu da lavur vegn dentant era lavurà la notg, baud la damaun u la fin d’emna.
Ulteriuras infurmaziuns
Schweizerische Vereinigung für die Berufsbildung in der Logistik SVBL
5102 Rupperswil
URL: www.svbl.ch