Lavurs
Els exequeschan suandantas lavurs:
Preparar las lavurs
- prender encunter incumbensas da lur superiurs
- consultar instrucziuns, tge apparats, maschinas, material e products da nettegiament ch'i dovra e preparar tut quai
- definir, ensemen cun ina persuna spezialisada da tecnica da nettegiament, tge metoda da nettegiament e tge products che duain vegnir duvrads, per exempel in product adattà per palantschieus da lain
- gidar a montar puntanadas u plattafurmas spezialas per pudair nettegiar meglier tscherts lieus
- observar las reglas da la segirezza a la lavur
- gidar a segirar ils conturns e la plazza da lavur, per exempel serrar giu in sectur
Nettegiar e tgirar
- duvrar correctamain ils apparats per nettegiar palantschieus, paraids, fanestras u mobiglias
- duvrar sco prescrit ils products da nettegiament e da tgira
- spulvrar, scuar e far cun il tschitschapulvra, per exempel en abitaziuns ed en biros
- spulvrar, nettegiar e tgirar mobiglias
- schampunar e nettegiar tarpuns a sitg
- nettegiar cun maschinas fatschadas, fanestras e palantschieus, per exempel cun nettegiaders a pressiun auta u cun apparats per nettegiar las fanestras
- dar si tschaira, impregnar u dar si ieli a paraids ed a palantschieus, per ch'els sajan protegids
- avisar a la persuna superiura, cura che tut è liquidà, per ch'ella possia controllar la lavur
Administrar apparats e material
- tgirar las maschinas ed ils apparats ed als mantegnair en in bun stadi
- controllar, sche las maschinas ed ils apparats funcziunan correctamain
- controllar, sch'i dat anc provisiuns da tut ils materials e far empustaziuns
- dismetter ruments en moda ecologica
Scolaziun
Durada
2 onns
Furmaziun en la pratica
En in manaschi da nettegiar
Furmaziun en scola
1 di l'emna a la scola professiunala
Roms professiunals
- preparar servetschs da nettegiament
- nettegiar edifizis ed objects
- terminar servetschs da nettegiament
- metter a disposiziun e mantegnair apparats, maschinas ed accessoris
Curs ordaifer il manaschi
Emprender la lavur pratica, approfundar ed exercitar las basas professiunalas, 16 dis durant 2 onns.
Diplom
Practicist / Practicista da tecnica da nettegiament AFP
Premissas
Furmaziun preliminara
- temp da scola obligatoric terminà
Pretensiuns
- enclegientscha pratica
- sanadad robusta
- buna constituziun e movibilitad corporala
- naginas allergias (en connex cun products da nettegiar)
- senza sturnizi
- abilitad da lavurar en in team e buna demananza
- plaschair da lavurar en differents lieus
Furmaziun supplementara
Curs
Purschidas da scolas spezialisadas e da scolas professiunalas spezialisadas sco er da l'Associaziun da las interpresas svizras da nettegiament Allpura, davart temas sco chemicalias u nettegiament da fatschadas
Emprendissadi supplementar
Practicistas e practicists da tecnica da nettegiament AFP pon per regla far in emprendissadi scursanì sco spezialist / spezialista da tecnica da nettegiament AFQ: Cumenzament en il 2. onn. Suenter pon vegnir absolvidas las medemas furmaziuns supplementaras sco per spezialist / spezialista da tecnica da nettegiament AFQ.
Cundiziuns da lavur
Practicistas e practicists da tecnica da nettegiament lavuran sulets u en pitschens teams sut la responsabladad da spezialistas e spezialists da tecnica da nettegiament. Savens èn els sin viadi e ston adina puspè lavurar en novs conturns. Perquai ch'els dovran chemicalias per tschertas lavurs, ston els observar prescripziuns da segirezza e purtar per exempel guants u ina mascra. Els ston mintgatant lavurar la saira e la fin d'emna.
Practicistas e practicists da tecnica da nettegiament lavuran savens per interpresas pitschnas da nettegiament. Igl è impurtant ch'els s'infurmeschian davart novas materialias, novs products e novs apparats. Mastergnantas e mastergnants da la branscha da nettegiament bain scolads èn dumandads sin il martgà da lavur.
Ulteriuras infurmaziuns
Allpura Associaziun da las interpresas svizras da nettegiament
4613 Rickenbach SO
URL: www.allpura.ch