Lavurs
Els exequeschan suandantas lavurs:
Preparar las lavurs
- prender encunter las materias primas, sco per exempel zutger, café, fava da cacau, farina e fritgs
- controllar schebain la qualitad da las materias primas saja buna
- giustar ils indrizs e pasar las ingredienzas
Lavurar cun maschinas
- maschadar las victualias en grondas maschinas da maschadar
- producir victualias per exempel bavrondas, pastizarias, confituras, glatsch, tschigulatta, schuppas u pastas
- controllar bain las maschinas durant la producziun
- franar las maschinas a moda autonoma e las reglar danovamain sch'i dat problems
- infurmar il schef u la scheffa davart da disturbis en cas da basegn
- far attenziun a l'igiena ed a la nettezza e respectar las reglas prescripziuns da segirtad, da protecziun da la sanadad e da l’ambient
Terminar la lavur
- controllar las victualias finidas davart la colur, la savur ed il gust
- nettegiar las maschinas ed ils indrizs
Scolaziun
Basa legala
Ordinaziun federala 25-7-2007
Durada
2 onns
Furmaziun en la pratica
En in manaschi da l’industria da victualias
Furmaziun en scola
10 curs da bloc che cuzzan mintgamai in’emna à 36 lecziuns a la scola professiunala Strickhof, Au/Wädenswil
Roms professiunals
- materias primas e fabricats mezfinids
- maschinas ed indrizs
- producziun industriala da mangiativas
- igiena, segirtad da lavur, protecziun da la sanadad, protecziun da l’ambient
Diplom
Attest federal professiunal "practicist / practicista da victualias AFP"
Premissas
Furmaziun preliminara
- scola populara terminada cun pretensiuns da basa
Pretensiuns
- plaschair da s’occupar cun victualias
- inschign manual
- bun nas e bun gust
- plaschair da lavurar cun maschinas
- senn per nettezza ed igiena
- sanadad robusta ed abilitad da supportar squitsch
- betg esser sensibel a chalira, umiditad e fraid
- betg avair allergias (envers products da nettegiar, materias primas, metals euv.)
- esser pront da lavurar a temp irregular
Furmaziun supplementara
Curs
purschidas da las associaziuns da l’industria da victualias sco era da las scolas professiunalas
Tecnolog / Tecnologa da victualias AFQ
Practicists / practicistas da victualias AFP pon far ina scolaziun da basa scursanida sco tecnolog / tecnologa da victualias AFQ (access en il 2. onn da la furmaziun da basa professiunala).
Silsuenter valan las medemas pussaivladads da furmaziun supplementara sco per ils tecnologs / las tecnologas da victualias AFQ.
Cundiziuns da lavur
Practicists da victualias lavuran en in manaschi industrial e produceschan victualias e bavrondas. Lur lavurs fan els per gronda part en pe. Il temp da lavur è irregular.
Ulteriuras infurmaziuns
Arbeitsgemeinschaft Lebensmitteltechnologen
Worbstrasse 52
Postfach
3074 Muri b. Bern
Tel: 031 352 11 88
URL: www.lebensmitteltechnologe.ch
Strickhof
Lebensmitteltechnologie und Hortikultur
Seestrasse 295
8804 Au ZH
Tel: 058 105 94 00
URL: www.strickhof.ch