Lavurs
Els exequeschan suandantas lavurs:
En direcziun orticultura e cuntrada
- gidar da bajegiar e tgirar curtins, plazzas da gieus, implants da sport u parcs
- construir vias, plazs, scalas e miraglia
- els lavuran cun maschinas e guaffens, per exempel cun il segapastget, cun la maschina da manizzar laina u raschlar ensemen feglia
En direcziun plantera
- multiplitgar e cultivar plantas decorativas e plantas da niz, per exempel flurs, chaglias u plantas
- tgira da las plantas en ierts sut vaider u en il liber
- lavurar cun maschinas per metter en in vasch, chars per transportar, indrizs da sauar, tagliels da maun, zappas e palas
resguardar las directivas e segirezzas
- purtar guants, protecturs da la fatscha e da l’udida tar lavurs privlusas
Scolaziun
Basa legala
Ordinaziun federala dals 31-10-2011 (versiun dal 1-1-2018)
Durada
2 onns
Direcziuns
- orticultura e cuntrada
- cultivaziun da plantas
Furmaziun en la pratica
En ina interpresa d’orticultura da la direcziun correspundenta
Furmaziun en scola
1 di per emna a la scola professiunala
Roms professiunals
- omaduas direcziuns: preparaziun da furniziun, lavurs da mantegniment dal manaschi, lavurs da plantar e da semnar, nutriment e protecziun da plantas, enconuschientscha e diever da plantas
- tenor direcziun: tgira d’ierts e da spazis verds, orticultura e cuntrada u producziun da plantas, multiplicaziun da plantas
Curs ordaifer il manaschi
Emprender ed exercitar a moda pratica la basa professiunala
Diplom
Attest federal professiunal "ortulan / ortulana AFP"
Premissas
Furmaziun preliminara
- scola populara terminada
Pretensiuns
- plaschair da lavurar en il liber ed en in team
- plaschair da lavurar cun plantas
- mauns inschignus e ferms
- forza e movibilitad
- enclegientscha pratica
- pazienza ed exactadad
- buna sanadad (p. ex. naginas allergias da pollen, resistenza a l’aura)
- enclegientscha tecnica e per lavurs cun maschinas
Furmaziun supplementara
Curs
Purschidas da scolas professiunalas e da scolas d’orticultura sco er da federaziuns (p. ex. JardinSuisse, Associaziun svizra d’orticulturas urbanas ed uffizis d’orticultura VSSG)
Ortulan / Ortulana AFQ
Ortulans / ortulanas AFP pon far ina furmaziun da basa scursanida sco ortulan / ortulana cun attestat federal da qualificaziun (AFQ).
Suenter han els las medemas pussaivladads da furmaziun supplementara sco ortulans / ortulanas AFQ.
Cundiziuns da lavur
Ortulans AFP lavuran en orticulturas, en centers d’orticultura, instituts da retschertga e perscrutaziun e curtins botanics. Ortulans lavuran da tutt’aura ordadora. La chargia da lavur po esser fitg auta. Las cundiziuns d’engaschament èn regladas tras il contract collectiv da lavur (CCL).
Ulteriuras infurmaziuns
JardinSuisse
Unternehmerverband Gärtner Schweiz
Bereich Berufsbildung
Bahnhofstr. 94
5000 Aarau
Tel: 044 388 53 35
URL: www.jardinsuisse.ch