Lavurs
Els exequeschan suandantas lavurs:
Preparaziuns:
- Mantegnair gronda prestaziun da corp per il saut
- Emprender in repertori e sviluppar vinavant tecnicas
- Far diever da trenament mental durant provas, producziun u audiziuns
- Elavur rollas u interpretaziuns da choreografias
- Persequitar eveniments da cultura, recepir critica e duvrar quella per l'agen svilup
Producziuns da saut:
- Crear ed emprender choreografias
- Integrar atgnas contribuziuns el process d'elavuraziun
- Realisar inscenaziuns
- Sviluppar novs meds da moviment e cumbinar ils andaments dals moviments tar ina cumposiziun
- Sviluppar novs meds da s'exprimer cun agid da saut, chant e gieu (cunzunt en ils musicals)
- •Integrar las abilitads da s'exprimer cun saut u autas furmas artisticas en ils andaments dals moviments
- Realisar elements scenics en ina choreografia
- Interpretar musica, ritmus e tuns cun moviments
- Duvrar costums, mascras e requisits
- Arranschar la collavuraziun cumbinond la diversitad en la cumpagnia e communitgar aifer cumpagnias internaziunalas per englais
- Sa tegnair als process da lavur da las cumpagnias e dils engaschis.
- Enconuscher situaziuns da risico en connex cun la tecnica da tribuna ed evitar tals
Carriera
- Concepir engaschis en cumpagnias u gruppas da saut
- Utilisar tecnologias d'infurmaziun e communicaziun
- Preparar engaschis futurs ed absolver process d'annunzia
- Organisar midadas en la carriera e planisar furmaziuns e reorientaziun per il temp suenter la carriera da saut
Scolaziun
Durada
3 onns
Direcziuns
- saut classic
- saut contemporan
- musical
Furmaziun en la pratica
- saut classic: Academia da sautar Turitg (Tanzakademie Zürich); Scola da ballet Teater Basilea (Ballettschule Theater Basel)
- saut contemporan: Center da la furmaziun professiunala per l’art applitgà, Genevra (Centre de Formation Professionnelle Arts Appliqués, Genf)
- Musical: Music Factory, Lucerna
Furmaziun en scola
1 - 1 ½ dis per emna a la scola professiunala resp. integrà en l’instrucziun, nua ch’ellas frequentan l’emprendissadi
Preparaziun sin la professiun
La scolaziun da saut sto cumenzar fitg baud. Quella scolaziun da basa intensiva (a partir da 11 onns) e las abilitads acquistadas èn decisivas per l’admissiun a la furmaziun professiunala.
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Preparaziun sin la professiun
La scolaziun da saut sto cumenzar fitg baud. Quella scolaziun da basa intensiva (a partir da 11 onns) e las abilitads acquistadas èn decisivas per l’admissiun a la furmaziun professiunala (AFQ).
Diplom
Ballarin / ballarina AFQ
Premissas
Furmaziun preliminara
- scola populara terminada cun pretensiuns mesaunas u autas
- corp adattà per il saut classic resp. contemporan
- aut nivel professiunal en il saut classic resp. contemporan
- enconuschientschas da basa en ulteriurs stils da sautar (p.ex. modern, saut expressiv, jazz dance, hip hop)
Pretensiuns
- movibladad corporala
- creativitad
- sentiment per estetica
- abilitad da supportar squitsch psichic
- sanadad robusta
- abilitad da lavurar en ina gruppa
- expressiun da saut
- vegliadetgna: 15 a 16 onns
Furmaziun supplementara
Curs e workshops
purschidas d’associaziuns e scolas en Svizra ed en l’exteriur
Scola spezialisada superiura (SSS)
p.ex. ballarin / ballarina diplomada SSS
Scola auta spezialisada (SAS)
Bachelor of Arts (SAS) en Contemporary Dance
Studi supplementar ad in diplom (SSD)
Differentas purschidas en pedagogia da saut en Svizra ed en l'exteriur
Purschidas da l’Universitad da Berna:
- Master of Advanced Studies (MAS) Dance Science
- Certificate of Advanced Studies (CAS) Dance Science: Health & Performance
- Certificate of Advanced Studies (CAS) Dance Science: Motor Learning & Training
- Certificate of Advanced Studies (CAS) Dance Science: Psychology & Education
Cundiziuns da lavur
Ballarinas e ballarins lavuran en ina professiun che pretenda bler dal corp e porta in'enorma chargia da lavur. Trenaments e preschentaziuns sco era las midadas da domicil frequentas dumondan perseveranza e gronda abilitad da supportar squitsch.
Plazzas fixas u engaschaments a lunga vista èn plitost in’excepziun.
Numerusas annunzias resp. audiziuns tutgan perquai tar il mintgadi da lavur. Ballarinas e ballarins AFQ ston dumagnar a moda excellenta situaziuns d’annunzia e manar bunas tractativas davart ils contracts.
Ulteriuras infurmaziuns
Danse Suisse – Berufsverband der Schweizer Tanzschaffenden
8004 Zürich
Tel: +41 43 317 95 37
URL: dansesuisse.ch
Zürcher Hochschule der Künste
Tanz Akademie Zürich
8031 Zürich
URL: tanzakademie.ch
Ballettschule Theater Basel
4010 Basel
URL: ballettschuletheaterbasel.ch
Centre de Formation Professionnelle Arts Appliqués
1201 Genève
URL: cfparts.ch
Musical Factory AG
6005 Luzern
URL: musicalfactory.ch