Lavurs
Els exequeschan suandantas lavurs:
Recepziun
- tgirar la clientella ed ils giasts
- registrar e transmetter infurmaziuns davart giasts
- acceptar e transferir resuns da giasts
- demananza accurata e gentila
Nettegiament e lavandaria
- lavar la laschiva dal manaschi e dals giasts
- utilisar e nettegiar las maschinas da lavar
- nettegiar locals, mobiglias ed apparats
- cultivar plantas sco er concepir locals cun decoraziuns da flurs ed autras
Gastronomia
- preparar e servir bavrondas e vivonda, per exempel snacks u sucs da fritgs
- nettegiar ils apparats da cuschina
- servir las bavrondas empustadas, per exempel té u café
- lavar vaschella
Logistica
- depositar e dismetter victualias e rauba
- cumpilar documents per l'organisaziun dal manaschi, tranter auter uraris e chalenders da vacanzas
- observar las prescripziuns d'igiena e da segirezza
Scolaziun
Durada
2 onns
Furmaziun en la pratica
En hotels, en albierts u en ospitals, chasas da dimora u clinicas
Furmaziun en scola
1 di per emna a la scola professiunala spezialisada
Roms professiunals
- demananza e communicaziun
- servir bavrondas e vivonda
- nettegiar e concepir locals
- liquidar lavurs en il cirquit da la laschiva
- realisar andaments da manaschi
Curs ordaifer il manaschi
Emprender la lavur pratica, approfundar ed exercitar las basas professiunalas, 14 dis durant 2 onns.
Diplom
Practicist / Practicista d'hotellaria e d'economia da chasa AFP
Premissas
Furmaziun preliminara
- terminà la scola obligatorica
Pretensiuns
- senn per urden e per schubradad
- buna sanadad
- abilitad da supportar squitsch
- fidadadad
- contact amicabel cun umans
- senn per servetschs
- gronda abilitad da lavurar en in team
Furmaziun supplementara
Curs
Purschidas da scolas spezialisadas e da scolas professiunalas spezialisadas sco er da federaziuns professiunalas.
Spezialist / spezialista d'hotellaria e d’economia da chasa AFQ
Practicistas e practicists d'hotellaria e d'economia da chasa AFP pon per regla far in emprendissadi scursanì sco spezialist/a d'hotellaria e d'economia da chasa AFQ.
Suenter pon vegnir absolvidas las medemas furmaziuns supplementaras sco per spezialist/a d'hotellaria e d'economia da chasa AFQ.
Cundiziuns da lavur
Practicistas e practicists d'hotellaria e d'economia da chasa lavuran cun autra glieud da professiun da la branscha d'hotel e da gastronomia. Tut tenor il manaschi sa differenzieschan las incumbensas e las uras da lavur. Perquai lavuran els er las sairas u durant las fins d'emna. Practicistas e practicists d'hotellaria e d'economia da chasa lavuran en hotels, en albierts, en ospitals u en clinicas.
Ulteriuras infurmaziuns
OdA Economia da chasa Svizra
Adligenswilerstr. 22
Postfach 3027
6002 Lucerna
Tel: 041 921 62 77
URL: www.oda-hauswirtschaft.ch